හෙරොයින් කිලෝ 1.1ක් සමග සැකකරුවන් පස් දෙනෙක් මහරගම ප්‍රදේශයේදී අත්අඩංගුවට ගෙන තිබෙනවා.
පොලිසිය කියා සිටියේ අත්අඩංගුවට ගැනුණු සැකකරුවන් අතර කාන්තාවන් දෙනෙකුද වන බවයි.
අත්අඩංගුවට ගත් පිරිස සම්බන්ධයෙන් ඉදිරි විමර්ශන ක්‍රියාත්මකයි.
මේ අතර රත්මලාන දුම්රිය පොළ ආසන්නයේදී ද හෙරොයින් ග්‍රෑම් 21 මිලිග්‍රෑම් 520ක් සමග පුද්ගලයකු පොලිසිය විසින් අත්අඩංගුවට ගෙන තිබෙනවා.
ඒ පොලිස් විශේෂ කාර්ය බලකාය එම ප්‍රදේශයේ සිදු කළ විශේෂ මෙහෙයුමකින් පසුවයි.
මෙලෙස අත්අඩංගුවට ගැනුණු පුද්ගලයා දැනට විදේශගතව සැඟව සිටින ප්‍රබල මත්ද්‍රව්‍ය ජාවාරම්කරුවෙකු මෙන්ම සංවිධානාත්මක අපරාධ කල්ලි නායකයෙක් වන රත්මලානේ අංජු නමැත්තාගේ මත්ද්‍රව්‍ය ජාවාරම සිදු කරනු ලබන ගෝලයෙක් බවටද අනාවරණ වී ඇති බවයි පොලිසිය පවසන්නේ.
සැකකරු සම්බන්ධයෙන් වැඩිදුර විමර්ශන ගල්කිස්ස පොලිසියට භාරදී ඇති බවයි පොලිස් විශේෂ කාර්ය බලකාය පවසන්නේ.
Discussion about this post