බදුල්ල මහ රෝහලේ පිළිකා වාට්ටුවේ සේවය කළ වෛද්‍යවරියකටද කොවිඩ් 19 වෛරසය ආසාදනය වී ඇති බව පසුගිය දිනක සිදු කරන ලද පී.සී.ආර්. පරීක්ෂණ වාර්තාවන් අද(06) ලැබීමෙන් අනතුරුව අනාවරණ වී තිබෙනවා.
අදාළ වෛද්‍යවරිය ගර්භනී වෛද්‍යවරියක් බවද රෝහල් ප්‍රකාශකයෙක් කියා සිටියා.
ඉකුත් දින 5 තුළ මේ වන විට අදාළ වෛද්‍යවරිය සේවයේ නියුක්ත වූ වාට්ටුවෙන් වෛද්‍යවරු දෙදෙනෙක්, හෙදියන් දෙනෙක් කනිෂ්ඨ කාර්ය මණ්ඩලයේ දෙදෙනෙක්, රෝගීන් 29 දෙනෙක් හා රෝගීන් බලාගැනීමට සිටි 8 දෙනෙක්, පවිත්‍රතා කටයුතුවල නියැලී සිටි පුද්ගලික ආයතනයක සේවකයෙක් ඇතුලු 34 දෙනෙක් අසාධිතයන් බවට තහවුරු වී තිබෙනවා.
කොවිඩ් ආසාදනයට ලක්වූ 70 හැවිරිදි පිළිකා රෝගියෙක් ඊයේ (05) ජීවිතක්ෂයට පත්වූ අතර ඔහුගේ දේහය බදුල්ල පොදු සුසාන භූමියේ ආදාහනාගාරයේදී ඊයේ (5) රාත්‍රී ආදාහනය කෙරුණා.
මේ අනුව පිළිකා වාට්ටුව තාවකාළිකව වසා දැමූ බව රෝහල් අධ්‍යක්ෂ සී. මාපා මහතා කියා සිටියා.
කෙසේ නමුත් මෙම වාට්ටුව වෙනම පරිශ්‍රයක පිහිටා ඇති බැවින් රෝහලේ අනෙකුත් කටයුතුවලට එය බාධාවක් වී නොමැති බවද රෝහල් අධ්‍යක්ෂවරයා වැඩිදුරටත් කියා සිටියා. .
Discussion about this post